അറബി പ്രണയകഥകളിൽ ഏറ്റവും പ്രശസ്തമാണ് ലൈലയും മജ്നുവും തമ്മിലുള്ള കഥ. ഏഴാം നൂറ്റാണ്ടിൽ അറേബ്യയിലെ ബനൂ അമീർ ഗോത്രത്തിലാണ് ഈ കഥ പിറവിയെടുക്കുന്നത്. ഖൈസ് എന്ന യുവാവ് ലൈല എന്ന സുന്ദരിയെ കണ്ടുമോഹിക്കുന്നു. അവന്റെ അതിരുകടന്ന പ്രണയം കണ്ട് നാട്ടുകാർ അവനെ 'മജ്നു' (ഭ്രാന്തൻ) എന്ന് വിളിക്കുന്നു. ലൈലയുടെ പിതാവ് വിവാഹത്തിന് സമ്മതിക്കുന്നില്ല. ലൈലയെ മറ്റൊരാൾക്ക് കൊടുക്കുന്നു. ഖൈസ് മരുഭൂമിയിൽ അലഞ്ഞു തിരിയുന്നു. ഒടുവിൽ ഇരുവരും വിരഹദുഃഖത്താൽ മരണമടയുന്നു. ഈ കഥ പ്രണയത്തിന്റെ ആത്മാവിനെയാണ് പ്രതിനിധീകരിക്കുന്നത്.